Slik blir huset skreddarsydd til tomta, kvardagen og lokale forhold
Eit godt hus handlar om meir enn utsjånad. Det skal passe menneska som bur der, fungere i kvardagen og spele på lag med tomta, lyset, utsikta og dei lokale forholda. Hos Nordplan blir arkitekturen utvikla i tett samarbeid med kunden, med fagfolk innan arkitektur, arealplanlegging og landskapsarkitektur rundt same prosjekt.
Eit hus som tek utgangspunkt i livet som skal levast der
Når Nordplan teiknar ein bustad, startar arbeidet med menneska som skal bruke han. Kva er viktig i kvardagen? Korleis ønskjer familien å bruke dei ulike romma? Kvar kjem morgonsola inn? Kvar er utsikta best? Og kvar treng ein ly for vind og vêr?
Nordplan legg stor vekt på samarbeid med kunden gjennom heile prosessen, frå dei første skissene til eit ferdig prosjekt. Målet er ikkje å presse behova inn i ei standardløysing, men å utvikle arkitektur som er tilpassa både menneska, tomta og staden.
Kunnskap om lokale forhold er ein viktig del av arbeidet. På Vestlandet kan vind, nedbør, solforhold, terreng og landskap stille særlege krav til plassering og utforming. Når desse føresetnadene blir tekne med tidleg i prosessen, kan dei bli ein kvalitet i arkitekturen.
Det kan handle om store arkitektoniske grep, men like gjerne om detaljar som får mykje å seie i kvardagen. Plassering av vindauge, samanhengen mellom kjøkken og uteplass, dagslys, utsikt, skjerming og korleis ein bevegar seg gjennom huset, er med på å forme korleis bustaden blir å leve i.
Store vindaugsflater kan gi både dagslys, utsikt og ei tettare kopling mellom bustaden og landskapet rundt.
Foto: Asbjørn Ødegaard
Tomta er ein del av arkitekturen
Ein bustad står aldri åleine. Terrenget, vegetasjonen, tilkomsten og omgjevnadene er ein del av heilskapen. Her møtest arkitektur, arealplanlegging og landskapsarkitektur.
Nordplan arbeider med arealplanlegging frå overordna planar til detaljregulering, mellom anna for bustader, fritidsbustader, fortetting og utvikling av eigedomar. For private kan dette vere særleg aktuelt dersom ein ønskjer å utvikle ei tomt, dele ein eigedom eller gjennomføre eit prosjekt som krev avklaringar mot kommunen.
Landskapsarkitektane arbeider med samspelet mellom bygningar, uteområde, terreng og natur. Målet er å skape løysingar som både fungerer godt og tek vare på kvalitetane ved staden.
Når arkitektur, arealplanlegging og landskapsarkitektur blir sett i samanheng frå starten, kan ein også finne betre svar på spørsmål som kvar huset bør plasserast, korleis uteområda kan skjerme mot vind, og korleis ein kan utnytte sol, utsikt og terreng best mogleg.
Fleire fag rundt det same prosjektet
I Nordplan jobbar arkitektar, arealplanleggjarar, ingeniørar, landskapsarkitektar, prosjektleiarar og rådgjevarar side om side. Saman kombinerer dei ulike fag og perspektiv for å finne løysingar som fungerer både på teiknebrettet og i kvardagen.
For kunden kan dette vere ein fordel når fleire spørsmål må avklarast samtidig. Kor mykje kan ein byggje på tomta? Kvar bør huset plasserast? Kva må avklarast gjennom ein planprosess? Korleis bør uteområda utformast? Og korleis kan bustaden tilpassast livet til dei som skal bu der?
Som eit tverrfagleg rådgivarmiljø kan Nordplan følgje prosjekt frå dei første ideane og skissene, gjennom planlegging og prosjektering og vidare mot gjennomføring.
Gamle bygg kan få eit heilt nytt liv
Skreddarsydd arkitektur handlar ikkje berre om å byggje nytt. Nordplan satsar også på rehabilitering og totalrenovering, der eksisterande bygg får nye funksjonar og blir tilpassa nye behov.
Eit aktuelt døme er den tidlegare Pleieheimen i Volda. Bygget er teikna om og transformert til bustad, mellom anna med ei eiga hybeleining. Prosjektet viser korleis eit eksisterande bygg kan få eit nytt liv utan at historia og karakteren til bygningen blir viska ut.
Den tidlegare Pleieheimen i Volda har fått nye funksjonar gjennom omfattande ombygging og rehabilitering.
Foto: Jacob Stærk Jacobsen
I transformasjonen er bygget opna meir mot omgjevnadene for å sleppe inn lys og gi betre kontakt med naturen utanfor. Innvendig er romma endra og tilpassa ein ny kvardag, samtidig som delar av den opphavlege konstruksjonen og materialbruken framleis er synlege.
Prosjektet fekk også nasjonal merksemd då det vart nominert til Statens arkitekturpris 2026, der transformasjon av eksisterande bygg til bustader stod sentralt.
Gamle teglveggar og synlege trebjelkar er tekne vare på og blitt ein del av det nye bustadmiljøet i Pleieheimen.
Foto: Jacob Stærk Jacobsen
For Nordplan illustrerer prosjektet potensialet som kan liggje i bygg som allereie står der. Med gode arkitektoniske grep og respekt for eksisterande kvalitetar kan eit eldre bygg tilpassast nye behov og få mange nye år i bruk.
Lokal kunnskap møter fagkompetanse
Nordplan har arbeidd med bygg, planlegging og utvikling sidan 1987. I dag arbeider selskapet i små og store lokalsamfunn på Vestlandet, Innlandet og Austlandet.
Den lokale tilknytinga er ein viktig del av måten Nordplan jobbar på. Fagfolka kjenner regionane dei arbeider i og kombinerer denne kunnskapen med kompetanse innan arkitektur, planlegging, landskap og tekniske fag.
Tanken er at gode løysingar veks fram når kunnskap om staden blir kombinert med fagkompetanse og tett dialog med kunden.
For deg som vurderer å byggje ny bustad, totalrenovere eit eksisterande hus, utvikle ei tomt eller treng hjelp med arealplanlegging og uteområde, kan ein samtale med fagfolk tidleg i prosessen vere ein god stad å starte.
Møt Nordplan på Boligmessen
Har du tankar om ny bustad, ombygging eller utvikling av ei tomt? På Boligmessen i Ålesund kan du møte Nordplan og snakke med fagfolk om arkitektur, skreddarsydde løysingar, rehabilitering, arealplanlegging og landskapsarkitektur.
Møt Nordplan AS på stand B-11 på Boligmessen i Ålesund.
